ليه مهم إنك تعمل موبايل ابلكيشن لو أنت صاحب بيزنس ؟

الموبايل ابلكيشن دلوقتي بيوفرلك ميزة إنك تكون موجود مع عملائك 24 ساعة من خلال تطبيق(ابلكيشن) ، و دة مهم جدا بناء على آراء ودراسات أنماط الإستخدام وبيساعد عملائك كتير لأنك بتقربلهم أكتر، بمعنى إنك بتوفر عليهم خطوة أو مجموعة خطوات، وعشان نقدر نجاوب على أهمية إنك تبدأ تقرب لعملائك دلوقتي لازم نسأل إيه مدى فاعلية وتأثير وجودك على تليفونات عملائك والمردود من دة على حجم مبيعاتك وعلى تكرار عمليات الشراء أو استخدام الخدمة ؟

ولإننا عايشين في عالم الابلكيشن، دلوقتي أنت بدوسة واحدة بتطلب تاكسي لحد بيتك بتطلب أكل، منتج معين. كل دة بدوسة واحدة وأنت قاعد في البيت.

بعض الإحصائيات في سنة 2019 بتأكد لنا على بعض المعلومات البسيطة زي:

1- بمعدل كل شخص عنده حوالي 30 ابلكيشن على تليفونه الشخصي

2- أكتر من 2.8 مليون ابلكيشن متاحين للتحميل مجانا على تطبيق جوجل بلاي

3- أكتر من 2.2 مليون ابلكيشن متاحين للتحميل مجانا على تطبيق اب استور.

4 - حوالي 49 % من المستخدمين بيفتحوا ابلكيشن 11 مرة في اليوم.

5- استخدامات السوشيال ميديا في العموم أكتر من 57 % بتيجي من الموبايل ابلكيشن.

6- من المتوقع في سنة 2020 إن تطبيقات الموبايل تحقق ايرادات بقيمة 189 مليار دولار.

المصادر:

https://buildfire.com/app-statistics/

كل المعلومات والتفاصيل دي بتأكدلنا مدى أهمية الموبايل ابلكيشن ومدى انتشارها وتوسعها ولازم أي فكرة مشروع أو بيزنس معين يدرك أهمية دة وأنه يكون ماشي في نف الاتجاه مع المستخدم بتاعه بحيث يقدر ينافس ويشكل ميزة تنافسية في السوق.

وفي كذا سبب يخليك تعمل موبايل ابلكيشن يطور في مجال البيزنس بتاعك:

1- الاهتمام والتخصيص: فكرة الموبايل ابلكيشن قايمة على التخصيص بناء على استخدامات واهتمامات وسلوك المتسخدم أو العميل وأنه يكون سهل في التعامل وسريع في الاستجابة.

وتبدأ بعد ما تنزل نسخة من الابلكيشن تسمع من المستخدمين، ايه اللي كان مفيد وايه اللي مش مفيد؟ في الابلكيشن... ناقص ايه والمفروض تشيل ايه؟ محتاجين لون معين! ميزة معينة! وهكذا.

2- سهولة إرسال اشعارات للمستخدم:

ودي يعتبر من أهم الميزات في فكرة الموبايل ابلكيشن ودة لإنك هتقدر تبعتها لكل مستخدمي الابلكيشن ودة يعتبر أفضل حل وأسهل حل لو عايز تروج لمنتج جديد، عرض جديد هتفتح فرع جديد مثلا وهكذا وكل دة بكل سهولة تقدر تعمله عن طريقة الـ Push Notification.

كمان ممكن تستخدم ميزة تانية حلوة جدا وهي الـ Pop_Up Notification :

وهي إن أي مستخدم بيفتح الابلكيشن يظهرله شاشة صغيرة مكتوب عليها عرض معين أو معلومة جديدة عن شركتك.

3- إمكانية إنه يشتغل اوفلاين:

يمكن دة الفرق الكبير بين فكرة الابلكيشن و الويب سايت بالرغم إن أكيد الموبايل ابلكيشن محتاج انترنت بس في بعض التطبيقات ممكن متحتاجش انترنت وتشتغل بنظام الـ Offline Mode.

وأكبر مثال على دة هو تطبيقات الحسابات، تطبيقات البنوك، الألعاب ، تطبيقات دينية.

4- تجربة جديدة للعلامات التجارية:

تصميم موبايل ابكليشن هو ممكن يكون بداية جديدة لفكرة جديدة خصوصا للعلامات التجارية تقدر من خلاله تستغل إنك تسوق وتروج لمنتج جديد وأكتر المستفيدين من الفكرة دي هو براندات الملابس زي " Zara" و "H & M" البراندات دي من الطبيعي إنهم عندهم ويب سايت بس غير الدارج أو غير المعروف إنهم يكون عندهم موبايل ابلكيشن يقدر المستخدم يتسوق ويشوف المنتجات ويشتري من الابلكيشن رغم إن دة حقق مبيعات كبيرة جدا مع بعض العلامات التجارية زي اتش اند ام في المانيا مثلا قدروا يحققوا 113.7 ألف تحميل بشكل شهري من خلال الابلكيشن بتاعهم

المصدر:

https://www.statista.com/statistics/994592/hm-monthly-downloads-android-germany/

5- وقت الاستخدام:

كمية الوقت اللي بيستخدمه المستخدم ارتفع بنسبة 21 % وكمان الإحصائيات بتأكد إن 86 % من المستخدمين بيفضلوا استخدام الموبايل ابلكيشن عن استخدام أي متصفح .

وبمعدل 40% من جميع مستخدمي الهواتف الذكية تستخدم التطبيقات الوسائل الاجتماعية.

وبعد ما عرفنا أهمية الابلكيشن لأي بيزنس محتاجين نعرف تفاصيل أكتر علشان نبدأ ناخد قرار تصميم الموبايل ابلكيشن الخاص بشغلنا... تابعونا أكتر علشان نعرف التفاصيل دي.