هبدأ ردي على سؤالك بسؤال معلش اسمحلى، هو احنا في 2020 ولسه معندكش ويب سايت لشركتك!؟، تقريباً كل الصناعات و الشركات بتحرص انه يكون ليها ويبساب او موقع الكترونى لانك بالنسبة لشريحة كبييييرة من العملاء لو مش موجود اونلاين فكدة انت مش موجود اصلاً!!!
وخصوصاً بعد انتشار فيرس كورونا حركة الناس فى الشوارع و على الأرض بشكل فعلى قلت كتيير قوى و متوقع عالمياً ان الناس تتجه للتعاملات الألكترونية كبديل للتعاملات الحقيقية الملموسة. ولو لحد دلوقتي لسه مأخدتش أى خطوة عشان تبنى موقع الكترونى أو ويب سايت، فانت فايتك كتير وده هيكون سبب انك تخسر عملاء كتير اوي و خلينى اخدك معايا فى جولة نتعرف فيها على ست اسباب تخليك تبدأ تبنى موقعك او ويب سايت لشركتك دلوقتى
1- زيادة ثقة العميل
اي حد لما بيجي يشتري اي منتج بيعمل سيرش محترم عشان يقدر يوصل لاعلي جودة واحسن سعر ممكن كمان محتاجين حل لمشكلة معينة عندهم في مشروعهم ويكون عندهم معلومات عن شركة معينة، سواء كان مطعم مجال بيزنس معين لو انت من ضمن الشركات اللي بيتم عليها عملية البحث وعميلك عمل بحث عليك وانت معندكش ويب سايت فده اول سبب يخلي عميلك يروح للمنافس بشكل مباشر.
2- سهولة الوصول
ميزة عبقرية جدا ان عميلك يقدر يوصلك في اي وقت وفي اي مكان يعني مكانك يكون مفتوح 24 ساعة في اليوم ومن خلال الموقع بتاعك تقدر تعرض منتجاتك وعليها التقييمات الناس اللي اشتروا قبل كده وتفاصيل كل منتج عندك ومعلومات بسيطة عن شركتك.
ممكن كمان يكون في مميزات تفاعلية ووظائف اضافية متاحة زي ان العميل يتصل بيك ويشترك في دورات تدربية وجدولة مواعيد او كمان يشتري بشكل مباشر من خلال موقعك الالكترونى خصوصاً انه مش هيضطر ينزل فى الزحمة و ممكن معندوش وقت انه ينزل اصلا فالميزة دي هتزود ميزاتك التنافسية جداً.
3- امكانية ابلاغ العملاء بالمعلومات
في ابسط صورة الويب سايت بقى زي كتالوج ممكن تحدثه في اي وقت وهو عبارة طريقة فعالة لتقديم خدماتك الجديدة للعملاء والاعلان اول باول عن الاحداث القادمة والعروض الترويجية الخاصة بشريحة معينة من العملاء او العروض الترويجية العامة لكل العملاء، زى مثلا عروض عيد الأم غالباً بيكون عرض عام لأى عميل بيشترى مجموعة معينة من المنتجات، لكن موقعك الالكترونى ممكن يضيفلك ميزة متقدرش تعملها فى العادى، انك تخصص عرض ترويجى لمجموعة معينة من عملاءك، مثلا اللى اشتروا من عندك من 5 شهور و مشتروش تانى لحد دلوقتى، هيبقى صعب جداً انك تتعرف عليهم من غير قواعد بيانات و نظام الكترونى، ممكن كمان توفير قيمة مضافة من خلال نشر نصائح وموارد ومعلومات من خلال مدونة الويب السايت الخاص بك.
4- امكانية الوصول لشريحة اكبر
ممكن اي حد في اي وقت واي مكان يدخل علي موقعك، بمعنى انه كل اللى هيحتاجه يكون متصل بالأنترنت و بكدة يقدر بكل سهولة و من اى مكان و فى اى وقت يوصل ليك و يتواصل معاك ومن خلال ده انت ممكن تكبر قاعدة المستهدفين عندك، سواء كنت بتقدم منتجات او خدمات او كنت تعتمد علي الاعمال او المستهلك، بمعنى أخر موقعك الالكترونى بيعتبر منصة ليك بديلة او مكملة لمحلك او متجرك الخاص بيك و بيؤدي مهام الترويج والبيع.
5- الايميل
مع موقعك الألكتروني الخاص بيك هتقدر تتواصل مع عملائك من خلال عناوين بريد الكرتوني لهم، و تقدر تتواصل معاهم من خلال بريدهم الالكترونى "الايميل" او هم يتواصلوا معاك من خلال انهم يبعتولك استفساراتهم و اقتراحاتهم لبريدك الالكتروني.
وده شكل سريع وفعال من التواصل انه يتيح لك التواصل مع العملاء بكفاءة عالية و بشكل لحظي.
6- دعم حملتك الاعلانية
ادعم حملتك الاعلانية عن طريق توجيه الاشخاص الي موقعك عشان يشوفوا منتجاتك و شغلك، ولما تدخل الويب سايت بتاعك في اعلاناتك هتقدر تحول العملاء لموقعك وبكده انت ضمنت عميل مهم جدا لدرجة انه دخل علي موقعك عشان يعرف معلومات اكتر هو مهتم بيها.
لو محتاج تعرف معلومات اكتر عن تصميم الويب سايت سواء الاسعار تفاصيل اكترممكن تتابعنا الفترة الجاية هنزل اخبار وتفاصيل اكتر، سجل معانا فى النشرة البريدية عشان تعرف اكتر عن المجال دة.
