طبعا أنت فاكر إن الكلام عن مميزات انك يكون عندك موقعك الخاص بيك خلص!
ركز معايا 5 دقايق بس كدة...
دلوقتي هقولك اية هى الأسباب اللى تخليك تبدأ تفكر تنشئ موقعك الخاص بشغلك او لعرض مهاراتك بشكل مميز ومختلف وبمظهر إحترافي.
بشكل سريع هستعرض معاك تفاصيل بسيطة عن مميزات إنك تعمل ويب سايت خاص بيك:
1- الأنتشار و سهولة الوصول لمعلومات عنك وعن شغلك ودة من خلال ان الموقع يكون مجهز بأدوات ربط بمحركات البحث SEO.
2- هيسيب إنطباع بالجاهزية وبعد النظر واحساس بسرعة الاستجابة خاصة لو الويب سايت نفسه سريع الاستجابة وبيشتغل على كل المتصفحات زى (Safari- Google chrome- Firefox)
3- هيدعم الإحساس بأنك شخص عندك قدرة على الإنجاز وتحمل المسؤلية ودة من خلال عرضك لشغلك وتاريخك وعرضك لمعلومات عن شركتك أو منتجاتك، عملائك، أعمالك السابقة.
4- هيوصل احساس انك دائم التطور وانك مستمر فى تطوير نفسك وشغلك ودة من خلال تحديثك لبيانات الموقع بإستخدام التحكم في موقعك ( داش بورد) اللى تقدر من خلالها تتحكم في كل البيانات وتحدثها بكل سهولة او إنك تضيف مشروع جديد أو منتج جديد أو أخبار جديدة عن شغلك/شركتك.
5- تقدر تشكل صورة ذهنية عنك و تدعمها و تثبتها بأنك شخص مطلع و ليك رأى من خلال انك تكتب مقالات أو أخبار عن احداث تهمك او انت مهتم بيها او عملائك مهتمين بيها، تقدر تكتب المحتوى التعليمى والإخبارى اللى يشد عملائك، تقدر تعمل كل دة من خلال نشر مقالاتك واخبارك على موقعك ودي ميزة تعتبر أساسية دلوقتي وتقدر بيها تجذب عملاء شركات منافسة لو انت فاهم هم بيدوروا على اية واية اهتماماتهم، وبكدة تكون أنشأت قناة تواصل جديدة بينك وبين عملائك او المهتمين بشغلك.
6- رسخ احساس انك متصل و انك متاح للتواصل فى كل وقت و انك مش بتسيب الفرص تضيع مهما كانت صغيرة و دة من خلال ان موقعك هيكون مفتوح 24 ساعة على مدار اليوم، 365 يوم في السنة ودي ميزة طبعا مش بتقدمها اى وسيلة تكنولوجية تانية إنما الويب سايت الخاص بيك بيكون متاح 24 ساعة، وسهل الوصول اليه من أي مكان وفي أي وقت ودة بيزود التواصل و الفرص.
دة استعراض سريع ومبسط جداً للميزات اللى هتعود عليك من اختيارك لإنشاء موقعك اتمنى اكون لفتت نظرك لنقط مكنتش شايفها و ياريت تقولى رأيك فى المقال والنقط اللى ذكرتها ولو شايف ان فى نقط تانية مفروض تكون مذكورة يا ريت تبعتلى على ايميل Contact@approcks.com