التكنولوجيا للموبايل ابلكيشن مستمرة في التقدم والتطور وأهمية الموبايل ابلكيشن بتمثل فرصة كبيرة للشركات والمؤسسات، كل عميل بيفضل حاجة عن حاجة ومتطلبات أكتر وكل ده بيأثر بشكل كبير في توجهات وإتجاهات الموبايل ابلكيشن.
وهنا هنتكلم على أهم اتجاهات لتطوير تطبيقات الموبايل:
1- الذكاء الاصطناعي: دمج التعلم الآلي والذكاء الاصطناعي في التطبيقات بيعمل على زيادة الطلب على التطبيقات وهيكون مجرد إنك تدي أوامر للتطبيق وإنجاز حاجات كتير بكل سهولة وده طبعا متواجد ومنتشر وفي تقرير تابع لـIDC بيوضح إن الإنفاق العالمي على الذكاء الاصطناعي من شركات التكنولوجيا هيوصل لـ95 مليار دولار في سنة 2023 ومن أهم الحاجات اللي لازم تتربط بالتطبيق هي
أليكسا
سيري
كورتانا
مساعد جوجل
2- الانترنت lot : ودي تكنولوجيا المتقدمة في الوقت الحالي في العالم كله ووفرت التقنية بيئة ملائمة للمستخدمين للاتصال بعدد من الادوات اللي بتدعم الانترنت زي إنك تقدر تتحكم في كل حاجة في البيت وانت برة من خلال الانترنت سواء في قفل الباب، لمبة وحاجات تانية كتير كل ده لما يكون متوفر في تطبيق بيساعد ويساهم على تطوير التطبيقات.
3- تطوير الأجهزة القابلة للارتداء: تتجه التكنولوجيا للأجهزة القابلة للارتداء لتطور كبير زي السمارت واتش والباندات والسماعات كل ده تقدر تربطه بيومك كله وتستفاد من كم معلومات عن يومك ماشي إزاي بطريقة كويسة.
تقدر تتبع كل الأنشطة اليومية في يومك وكل ده من خلال ربط التطبيقات بالأجهزة تقدر كمان دلوقتي تعرف معدلات ضربات قلبك كام معدل الأكسجين، ضغط الدم وغيره من الأنشطة اليومية.
في تقرير من شركة statista بيوضح إن هيكون في 1.1 مليار دولار جهاز قابل للارتداء في سنة 2022 وده طبعا هيدفع كل الشركات للتطوير وتحسين التطبيقات بما تتناسب مع الأجهزة.
4- تكنولوجيا 5G: هتأثر بشكل كبير أوي على اتجاهات في تطوير التطبيقات في سنة 2020 عدد اتصالات 5G هيكون أعلى 15 مرة من سنة 2019 وفي سنة 2021 هتتضاعف أربع مرات.
طبعا السرعة والكفاءة عوامل مؤثرة في حاجات كتير ده هيساعد في سرعة تصفح التطبيقات والتنقل من تطبيق للتاني شبكة الـ 5G هتكون أسرع وأقوى 100 مرة مقارنة بالـ 4G.
يتغير اتجاهات تطوير التطبيقات باستمرار وبتتغير بتغير الوقت والمتغيرات والمعطيات وزيادة التقدم التكنولوجي، يعتبر ناقشنا أهم متغيرات واتجاهات التطبيقات لسنة 2021.