مع انتشار الإنترنت في الوقت الحالي ودخوله في كل مجالات الحياة وبالأخص في عالم البيزنس وعمليات البيع والشراء وبقت الفكرة المنتشرة دلوقتي إن كل بيزنس يكون موجود أونلاين وأي صاحب بيزنس يفتح متجر لبيع منتجاته أونلاين من خلال منصة تجارية أو من خلال عمل صفحة على مواقع التواصل الإجتماعي. "واربي باركر" شركة أمريكية بدأت في الإنتشار في سنة 2010 تبيع نظارات طبية وشمسية أونلاين عن طريق موقع خاص للشركة، كانوا شايفين إن النظارات غالية اوي بسبب إنها حكر على مجموعة من البراندات الغالية وعشان كده بدأوا في تصنيع النظارات دي في البيت، وتفاعلهم المباشر من خلال الموقع قدروا يوفروا مجموعة نظارات بجودة وشكل أسهل وبسعر أقل بكتير عن غيرهم. وبعد النجاح اللي حققته الشركة في البيع أونلاين بدأوا في سنة 2017 بفتح محلات تقليدية ووصل عددهم 71 مكان في أمريكا وكندا ووصل القيمة السوقية لـ1.2 مليار دولار. ومن هنا لازم كل بيزنس وشركة تبدأ تفكر في إنك تظهر أونلاين وده من خلال كذا خطوة: * تصميم وبناء موقع إلكتروني: ده من خلاله هتقدر تبدأ تعرض منتجاتك وتبيع، وتجذب العملاء، وبتحتاج للتطوير بشكل مستمر ولو في حالة وجود منتجات كتيرة وعايز يكون في عملية بيع وشراء ف ده هيبدأ يدخلك في تفاصيل أكتر زي الشحن، التخزين ، طريقة الدفع، وتفاصيل تانية هنتكلم فيها بالتفصيل. * التسويق : أنت محتاج طريقة تسويق وإستراتيجية قوية وفعالة جدا وتقدر تجذب بيها العملاء بشكل قوي جدا وده ممكن يكون من خلال بعض الخطوات والإجراءات المتبعة بالتسلسل أو بترتيب معين بناء على إستراتيجية معينة زي: *العروض : كل ما تقدم عروض وتخفيضات على منتجاتك كل ما هتزيد مبيعاتك بشكل قوي جدا * الايميل ماركتينج : ودي طريقة حلوة جدا في طرق التسويق ومن خلالها توصل عروضك وآخر أخبارك عن مجال شغلك أو شركتك * التسويق بالعمولة : يعني إنك تتيح لزوار متجرك التسجيل على نظام الأفليت عشان يروجوا لمنتجاتك من خلال رابط خاص في مقابل ارسال عمولات على البيع. تهيئة محركات البحث جوجل: في بعض الإحصائيات إن 88 % من مستخدمي الإنترنت يبحثون عن المواقع والمنتجات والخدمات والأسعار وده عن طريق أشهر محركات البحث في العالم جوجل. * المخزون : تخزين البضاعة من أهم عوامل النجاح في الشركات وممكن تقلل تكلفة الإيجار وتاخد البضاعة من التجار أو تخزن في بيتك مؤقتا لتقليل التكلفة. * خاصية الدفع: أهم ميزة في الويب سايت الإلكتروني هو إنه فيه إمكانية الدفع من خلال أي كرديت كارد وكمان في بعض المواقع بتوفر الدفع من خلال فودافون كاش وفوري وطبعا كل ده بيسهل من عملية الشراء ويديك ميزة تنافسية حلوة اوي تقدر تنافس بيها. ما بعد عملية الشراء : متابعة عملية ما بعد الشراء مع العملاء خطوة مهمة جدا وبتساعدك في فهم مشاكلك وأخطاء البيزنس من خلال عميلك مش من حد تاني لانه هو أكتر حد أدري بكل عيوبك في البيزنس وشايف ايه الحلو وايه الوحش وكمان ده بيزيد عملية الشراء عند العميل لانه بيلاقي اهتمام وعملية متابعة بنسبة كبيرة مش هيلاقيها في مكان تاني. البيع أون لاين هو يعتبر من أسهل وأحسن الطرق للبيع وأرخصهم عشان لو لسه هتبدأ في مجال جديد أو محتاج تتوسع وتزود مبيعاتك وطبعا أقل في التكاليف من إنك تفتح محل عادي وتأجره وتأمين وكاميرات مراقبة ......إلخ لو عندك منتج وعايز تبيعه اونلاين بس مش عارف تبدأ منين تواصل معانا واحنا هنكلمك ونشرحلك كل التفاصيل.