• Amr Mahmoud

خمس اسباب رئيسية تخليك تعمل (CRM SYSTEM)

في سنة 2020 أكيد من الضروري يكون عندك برنامج لإدارة العملاء وده بقا أمر ضروري للشركات، بس لسه في بعض الشركات مش بتعتمد في شغلها على برنامج لإدارة العملاء ولو انت من الشركات دي فأنصحك بقراءة المقال ده عشان هنقولك أكتر من سبب يكون عندك برنامج لإدارة العملاء.

ولما نبص لبعض التقارير والإحصائيات اللي هنتكلم فيها دي هتوضح أهمية وجود نظام لإدارة العملاء في شركتك بشكل أساسي. * الأسرع نموا: سوق البرمجيات هو الأسرع نموا في الفترة دي بشكل واضح في سنة 2010 كان مجال البرمجيات محقق دخل بـ14 مليار دولار ومن المتوقع أنه يوصل لـ80 مليار دولار في سنة 2025 والزيادة دي حوالي 600%. تنوع وإنتشار شركات البرمجيات أدي إلي رخص وتنوع الأسعار ما بين الشركات وزيادة حدة المنافسة والكل بقا بيسعى لتقديم عرض مالي ومميزات تميزك عن أي شركة تانية وعشان كده بقا برنامج إدارة العملاء منتشر بشكل قوي وبيعمل على تحسين الوظائف وتسهيلها بكل سهولة. * أهمية البرنامج: 91 % من الشركات اللي عندها 10 موظفين أو أكتر برنامج لإدارة العملاء، وبقا عامل تنافسي بين الشركات في الوقت الحالي عشان تتم عملية البيع بشكل سريع وواضح ويخزن البيانات ويكون علاقة أفضل مع العملاء، وطبعا بيختصر في الوقت بشكل كبير. * العائد المتوسط: بعض الإحصائيات بتوضح أن متوسط العائد على الإستثمار التكنولوجي للشركات اللي بتستخدمها هو 8.71 دولار لكل دولار الشركة بتصرفه، طب وده ليه ؟ لأنه بيعمل على تبسيط العمليات اليدوية عشان الموظفين يستغرق أقل وقت ممكن في العمليات زي إدخال البيانات وترتيب بيانات العميل، وكل البيانات دي بتخدم على العميل وبتسهل وبتعمل على سرعة التواصل على العميل والي بدوره هيعمل على زيادة ولاء العميل. * زيادة المبيعات والإنتاجية: برنامح إدارة العملاء بيعمل على زيادة في المبيعات 29% و34% في إنتاجية المبيعات وزيادة توقعات المبيعات 42%. وده بيرجع لعددة أسباب لأنه عالى الجودة وبيوفر أدوات تمكين المبيعات، وعمليات البيع وإعداد التقارير عن معلومات عن العميل، وإدارة المشاريع وكل ده بيسهل على موظفين المبيعات سهولة إتمام عملية البيع وتشكيل علاقة سهلة مع العملاء المحتملين. * رضا العميل: وضحت بعض الإحصائيات من مستخدمي نظام إدارة العملاء أن 47% انه له تأثير كبير على الإحتفاظ بالعملاء وبيعمل على البقاء على العميل وزيادة الرضا عند العميل، وده أهم عامل في الوقت الحالي لكترة وحدة المنافسة بين الشركات. * تسهيل الوصول إلي البيانات: بيعمل نظام إدارة العملاء إلي التحسين وسهولة إمكانية الوصول إلي البيانات وده قلل خطوات البيع بنسبة من 8 لـ14 % وده يعتبر أنسب حل لموظفين المبيعات لتسهيل عملية البيع وتسريعها وده من خلال عرض البيانات بكل سهولة عن العملاء أو العملاء المحتملين. * سهولة إستخدامه: هو برنامج سهل الإستخدام يعني مش لازم تكون مبرمج أو متخصص عشان تقدر تستخدمه بالعكس هو سهل الإستخدام جدا، وحوالي 65 % من مستخدمينه بيعتبروه سهل الإستخدام ومش بيتطلب وظائف معينه لإستخدامه. إذن كل الأسباب والإحصائيات بتوضح أهمية وجودة نظام لإدارة العملاء في شركتك أو مجال البيزنس بتاعك، وإنك تستغنى عن فكرة إدخال البيانات يدويا في شكل جداول وده أنسب وقت لإستخدام البرنامج اللي هيسهل عملية البيع والإحتفاظ ببيانات العملاء. ممكن تسيلنا في التعليقات أي سابق تجربة مع نظام لإدارة العملاء قبل كده ...

49 views

NEED HELP?

STAY CONNECTED

  • Approcks Facebook Page
  • Approcks Linked In
  • Approcks Twitter Account
  • White YouTube Icon
  • Approckd Behance

135 G -1st Gate - Pyramids Gardens - Giza - Egypt - Floor 1 - Office N 1.

(+20) 338-09-962

(+20) 109-895-0489

(+20) 111-140-2591

CIT-LOGO (1).png

© 2014 - 2020 Approcks. All Rights Reserved.